|
|
 موضوع الاخت ام اماني جزاها الله كل الخير اليوم جبتلكم عجينة سحرية لكل انواع المعجنات ،هذا العجينة راااااائعة بكل معنى الكلمة بنفس العجينة ممكن نعمل منها خبز الباغيت،البيتزا،البينيي،الدونات،كرواسون مالح وحلو،خبز الهمبورغر،البانيني،خبز التوست،البريوش والقائمة طويلة مقادير العجينة:
الطريقة:نخلط جميع المقادير السابقة ماعدا الزبدة ونعجنها جيدا ثم نضيف الزبدة ونعجن حتى تتداخل في العجن هذا شكلها هنا ضاعفت المقادير  نغطيها ونخليها تختمر حتى يتضاعف حجمها  بعد الاختمار نشكل بها كل انواع المعجنات لي ذكرتهم
نأخذ كمية من العجينة ونبسطها على صينية حتى يكون شكلها دائري نقطعها على ثمانية  نحشيها حسب الرغبة انا كمية حشيتها فرماج وكمية حشيتها شكولة ونشكلها على شكل كرواسون  نغطيها ونخليها تختمر بعدها ندهنها بالبيض مع شوية خل يعطيها لمعة الكرواسون المحشي فرماج دهنته بالبيض ورشيت عليه جلجلان اما المحشي شكولة دهنته بالبيض فقط  ندخلهم يطيبو في فرن يكون مسخن مسبقا وهذا شكلهم هذا الكرواسون المالح  وهذا الكرواسون الحلو بعد مايبرد نرش عليه السكر الرطب   هذا شكلهم من الداخل 
 لتحضير خبز الباغيت سواء بهذا العجينة او غيرها نتبع مايلي نأخذ كويرة من العجينة نبسطها كما في الصورة  نبسطها على اثنان ونضغط على الاطراف  نعاود نبثنيها في الاتجاه المعاكس ونضغط على الاطراف  نرفع العجين الموجود على الطرفين الى الوسط  نمدد العجين حتى نحصل على هذا الشكل  انا حطيت في صينية الخاصة بخبز الباغيت ممكن نعمل الصينية العادية  نغطيه ونخليه يخمر بعدها نشكل فوقه خطوط باستعمال سكين حاد وندهنه بالبيض ونرش عليه الجلجلان  دخله للفرن يكون مسخن مسبق حتى يطيب وياخذ لون ذهبي  وهذا شكله من الداخل 
نبسط العجينة ونقطع دوائر كبيرة وفي كل دائرة نقطع دائرة صغيرة نحطهم على ورق الزبدة مرشوش بشوية فرينة ونخليهم يختمرو جيدا هذا سر نجاحهم  نسخن الزيت ونقليهم وكل ما نحط حبة نرمي عليها الزيت حتى تنتفخ بعد ما تطيب نحطها فوق الورق المطبخ حتى نتخلص من الزيت الزائد بعد مايبردو نغطسهم في الشكولة واستمتعو ا باحلى دونات اممممم  
نفس طريقة عمل الدونات فقط وهما سخونين نرمدهم في السكر 
يمكن نشكلها دائرة كيما العادة انا هنا شكلتها وردة باستخدام صحن صغير كنوع من التغيير هنا استعملت صينية البيتزا لي قلتلكم عليها تجي مثقوبة من الاسفل  نثقبها ونحط صلصة الطماطم ونزين بالزيتون الاسود والاخضر وندخلها تطيب في فرن سخوووون  بعدما طابت حطيت عليها التون والفرماج كل اخت تحط واش تحب   6ـ خبز دائرينشكل كويرات من العجين بالحجم المرغوب ونبسطها نغطيها ونخليها تختمر بعدها نشكل عليها خطوط وندهنها بصفار البيض مع شوية فقط من الحليب والخل ونرش فوقها السنوج  ندخل الخبز يطيب في فرن يكون مسخن مسبقا حتى ياخذ لون ذهبي جميل وهذا شكله النهائي  عن قرب  تم بعون الله الجزء الاول من معجناتي بالعجينة السحرية نتمنى تجربوها لانها فعلا تستحق التجربة وتوفر الوقت لان بنفس العجينة ممكن نعمل انواع من المعجنات نتمنى يعجبكم الموضوع ولاتنسوني من صالح الدعاء لي ولاولادي خاصة انهم في فترة الاختبارات ولكن بالمثل في امان الله إقرإي أيضا مواضيع أخرى عن وصفات طبيعية لجمالك  Put the internet to work for you.  |
 |
