الإفراط في وضع المكياج

دايما بنفكر فى المكياج على انه المنقذ او البطل اللى هيحل لنا مشاكل بشرتنا فمثلا بنعتبر الكونسيلر هو المنقذ من مشكلة الهالات السوداء والفاونديشن او كريم الاساس هو الحل لمشكلة عدم توحد لون البشرة و الندبات والبقع ودرجات المكياج الفاتحة هى المنقذه من الاسمرار وهكذا لكن فى الحقيقة دي بطولة زائفة بيلعبها المكياج اللى مش بيعالج لكن بيخبي والموضوع ده اتكلمنا عنه كتير .. وبيصعب علينا الراجل الغلبان اللى بيتجوز يكتشف مراته على حقيقتها حاجه تانية خالص غير اللى عرفها طول فترة الخطوبة والزفاف ماتتخدعيش ببشرة الفنانات والمذيعات اللى لو شوفتيهم على حقيقتهم هتلاقى واحدة تانية اما من الناحية الطبية فاستخدام المكياج باستمرار بيسد المسام ويزود فرص ظهور الحبوب خصوصا مع اصحاب البشرة الدهنية والمختلطة ده غير ان فيه انواع ممكن تسبب حساسية والتهابات غالبا بيكون بسبب المواد الحافظة PABA او انواع من الـ Perfume ده غير اضرار تانية كتير ممكن تحصل بسبب وجود عناصر زي الرصاص والزئبق والالمونيوم بتدخل فى صناعة المكياج ! عشان كده احنا فى بشرتى بتنبنى فكرة اننا لازم نفهم ازاى نعتني ببشرتنا لازم نفهم ازاى نعالج مشاكلها بطريقة سليمة لازم المفاهيم عندنا تتغير ونعرف ان البشرة الجميلة هى البشرة النضرة اللى معليهاش دهون زيادة ولا فيها جفاف .. البشرة اللى فيها tinge او ضى أحمر وردي خفيف .. البشرة اللى مفهاش تجاعيد او خطوط ولا فيها بقع ولا حبوب ولا ندبات وكل ده يبقى طبيعي مش بطولة زائفة ! وتأكدي ان كل ده هيساعدك فى ثقتك بنفسك واحساسك بجمالك الحقيقى إقرإي أيضا مواضيع أخرى عن وصفات طبيعية لجمالك